نیویارک: (رائیٹ ناؤ نیوز) اقوام متحدہ میں پاکستان کے نائب مستقل مندوب عثمان جدون نے سعودی عرب پر یمنی حوثیوں کے بیلسٹک میزائل حملوں کی مذمت کی ہے۔

سلامتی کونسل کے ہنگامی اجلاس میں مشرقِ وسطیٰ کی بگڑتی صورتحال پر غور کیا گیا، حملوں کے بعد خطے میں کشیدگی میں اضافہ ہوا ہے۔

عثمان جدون نے اپنے خطاب میں سعودی عرب کی سلامتی کی حمایت کا اعادہ کیا اور حوثیوں کے حملوں کو سختی سے مسترد کیا ہے۔

انہوں نے کہا کہ پاکستان یمن کی آزادی و خودمختاری کی حمایت کرتا ہے اور فریقین کو تحمل کا مظاہرہ کرنے کی اپیل کی ہے۔

یاد رہے کہ حوثی باغیوں کے میزائل حملے سعودی عرب کی سلامتی کے لیے خطرہ ہیں، جس پر پاکستان نے بین الاقوامی سطح پر مذمت کی ہے۔