لاہور: (رائیٹ ناؤ نیوز) پاکستان مسلم لیگ (ن) کی رکن حنا پرویز بٹ نے رجب بٹ کی والدہ کو شدید تنقید کا نشانہ بنایا ہے۔ انہوں نے کہا کہ ایسے ڈرامائی مناظر ان کی آمدنی کا ذریعہ ہیں۔

رجب بٹ کے یوٹیوب چینل کے تقریباً 90 لاکھ سبسکرائبرز ہیں جبکہ انسٹاگرام پر 29 لاکھ سے زائد فالوورز موجود ہیں۔ حالیہ ویڈیو وائرل ہونے پر حنا نے اپنے ایکس اکاؤنٹ پر ویڈیو شیئر کی۔

وائرل ویڈیو میں رجب بٹ کی والدہ ایک پرینک کے دوران بے ہوش ہونے کا ڈراما کرتی ہیں۔ بعد میں مسکراتے ہوئے بتاتی ہیں کہ یہ منصوبہ طے شدہ تھا۔

حنا پرویز بٹ کے مطابق، ایسے ڈرامے بچوں کو متاثر کر رہے ہیں اور ان کے بقول یہ خاندان معاشرتی مثبت کردار ادا نہیں کر رہا۔

یاد رہے کہ حنا پرویز بٹ پہلے بھی رجب بٹ کے کانٹینٹ کو معاشرتی اقدار کے لیے نقصان دہ قرار دے چکی ہیں۔