اسلام آباد: (رائیٹ ناؤ نیوز) وزیراعظم شہباز شریف سے اقوام متحدہ کے سیکرٹری جنرل کے عہدے کے امیدواروں نے ملاقات کی۔ ملاقاتوں میں عالمی امن کے فروغ کے لیے پاکستان کے عزم کا اعادہ کیا گیا۔

اقوام متحدہ کے امیدوار میکی سال نے وزیراعظم سے ملاقات میں عالمی امور میں پاکستان کے کردار کو سراہا۔ وزیراعظم نے اقوام متحدہ کے مرکزی کردار کی حمایت کا یقین دلایا۔

وزیراعظم نے امید ظاہر کی کہ اقوام متحدہ کی آئندہ قیادت انسانی حقوق اور ترقی کو متوازن طور پر آگے بڑھائے گی۔ انہوں نے اقوام متحدہ کی سلامتی کونسل کی قراردادوں پر عملدرآمد کی اہمیت پر زور دیا۔

واضح رہے کہ اقوام متحدہ کے لیے پاکستان کی خدمات کو بین الاقوامی سطح پر سراہا جاتا ہے۔ پاکستان نے ہمیشہ عالمی امن کے فروغ میں تعمیری کردار ادا کیا ہے۔

چند روز قبل وزیراعظم سے اقوام متحدہ کے امیدوار ماریہ فرنینڈا ایسپینوسا نے بھی ملاقات کی تھی۔ ملاقات میں اقوام متحدہ کے مؤثر کردار اور عالمی خوشحالی کے فروغ پر اتفاق کیا گیا۔