اسلام آباد: (رائیٹ ناؤ نیوز) وزیر دفاع خواجہ آصف نے کہا ہے کہ افغان طالبان پر اعتماد نہیں کیا جا سکتا۔ ان کے مطابق طالبان کی مکسڈ سگنلز دینے کی پالیسی خطرناک ہے۔

خواجہ آصف نے جیو نیوز کے پروگرام میں کہا کہ طالبان کی جانب سے ٹی ٹی پی کی حمایت میں کوئی کمی نہیں آئی۔ ان کا پیغام صرف میڈیا تک محدود ہے۔

انہوں نے کہا کہ طالبان کی اعلیٰ قیادت سے براہ راست پیغام آنا چاہیے۔ میڈیا رپورٹ پر اعتماد خطرناک ہو سکتا ہے۔

خواجہ آصف نے کہا کہ طالبان زبانی طور پر ٹی ٹی پی کو روکنے کا وعدہ کرتے ہیں لیکن تحریری ضمانت دینے سے انکار کرتے ہیں۔ یہ ان کی نیت پر شک کا باعث ہے۔

واضح رہے کہ متحدہ عرب امارات کے ساتھ طالبان سے سہ فریقی معاہدہ ہوا تھا، جس پر عملدرآمد نہیں ہوا۔ اس معاہدے کی ناکامی سے ان کی ناقابل اعتباریت ظاہر ہوتی ہے۔