تہران: (رائیٹ ناؤ نیوز) ایرانی پارلیمنٹ جلد آبنائے ہرمز پر ایران کی خودمختاری کا قانون منظور کرے گی۔ رکن پارلیمنٹ علی رضا سلیمی نے یہ اعلان کیا ہے۔

علی رضا سلیمی نے مزید کہا کہ ایران اور عمان کے علاوہ کسی ملک کو آبنائے ہرمز پر فیصلہ کرنے کا حق نہیں ہے۔ انہوں نے واضح کیا کہ ڈونلڈ ٹرمپ اس معاملے میں کوئی فیصلہ نہیں کر سکتے۔

انہوں نے خبردار کیا کہ ایران کی اجازت کے بغیر آبنائے ہرمز سے گزرنے کی کوشش خطرناک ثابت ہو سکتی ہے۔ خاتم الانبیا ہیڈ کوارٹرز نے بھی اس پر خبردار کیا ہے۔

ہیڈ کوارٹرز نے مزید کہا کہ اجازت کے بغیر جہاز آبنائے ہرمز میں داخل ہو کر نقصان اٹھا سکتے ہیں۔ کسی بھی فوجی بحری جہاز کو مداخلت کرنے پر نشانہ بنایا جائے گا۔

یاد رہے کہ پاسداران انقلاب کے مطابق بیس بحری جہاز چوبیس گھنٹے کے اندر آبنائے ہرمز سے گزر چکے ہیں۔