سنگاپور: (رائیٹ ناؤ نیوز) امریکی وزیر دفاع پیٹ ہیگستھ نے کہا ہے کہ چین سمیت کوئی ملک خطے پر بالادستی قائم نہیں کر سکتا۔ انہوں نے سنگاپور میں ایک تقریب کے دوران خطاب کرتے ہوئے یہ بیان دیا۔

انہوں نے کہا کہ امریکا اب امیر ممالک کے دفاعی اخراجات برداشت نہیں کرے گا۔ اتحادی ممالک کو اپنی دفاعی ذمہ داریاں خود پوری کرنا ہوں گی۔ امریکا خطے میں استحکام کے لیے اپنا کردار ادا کرتا رہے گا۔

پیٹ ہیگستھ کے مطابق بحرالکاہل میں کسی ایک طاقت کی بالادستی سے خطے میں طاقت کا توازن بگڑ سکتا ہے۔ چین کو خطے میں امریکا کی پوزیشن کا احترام کرنا ہوگا۔

امریکی وزیر دفاع نے کہا کہ صدر ڈونلڈ ٹرمپ کے دور میں امریکا اور چین کے تعلقات بہتر سطح پر ہیں۔ چینی ہم منصبوں کے ساتھ فوجی رابطے بھی برقرار ہیں۔

یاد رہے کہ وائٹ ہاؤس سچویشن روم میں ایران پر اہم اجلاس ختم ہوا، لیکن ٹرمپ ممکنہ معاہدے پر حتمی فیصلہ نہ کر سکے۔ ایران جوہری ہتھیار نہ حاصل کرے، امریکا عالمی سلامتی کے لیے ذمہ داریاں ادا کرے گا۔