واشنگٹن: (رائیٹ ناؤ نیوز) امریکی نائب صدر جے ڈی وینس نے کہا ہے کہ واشنگٹن اور تہران کے درمیان معاہدہ قریب ہے، لیکن صدر ڈونلڈ ٹرمپ ابھی دستخط کے لیے تیار نہیں ہیں۔

جے ڈی وینس نے صحافیوں کو بتایا کہ امریکہ اور ایران کے درمیان معاہدے پر کافی پیشرفت ہوئی ہے۔ فریقین کے درمیان الفاظ اور شرائط پر تبادلہ خیال جاری ہے۔

انہوں نے مزید کہا کہ چند نکات پر بات چیت جاری رہے گی اور امید ہے کہ صدر ٹرمپ جلد معاہدے کی توثیق کریں گے، لیکن حتمی فیصلہ ابھی باقی ہے۔

جے ڈی وینس نے کہا کہ امریکہ تہران کے جوہری پروگرام کو پیچھے دھکیلنے کی پوزیشن میں ہے، جس سے معاہدے کی اہمیت بڑھ جاتی ہے۔

واضح رہے کہ یہ بیان ایسے وقت میں آیا ہے جب امریکہ اور ایران کے درمیان کشیدگی کے باوجود سفارتی کوششیں جاری ہیں اور خطے میں صورتحال غیر یقینی ہے۔