واشنگٹن: (رائیٹ ناؤ نیوز) امریکی سینٹرل کمانڈ نے دعویٰ کیا ہے کہ ایران کی جانب سے کویت کی طرف داغا گیا بیلسٹک میزائل کامیابی سے روک لیا گیا ہے۔ یہ میزائل کویت کی فضائی حدود میں داخل ہونے سے قبل ہی تباہ کر دیا گیا۔

امریکی سینٹرل کمانڈ کے مطابق ایرانی فورسز نے آبنائے ہرمز پر پانچ ڈرونز داغے تھے جنہیں امریکی افواج نے فضا میں ہی ناکام بنا دیا۔ چھٹے ڈرون کو روانہ ہونے سے قبل ہی نشانہ بنایا گیا۔

سینٹ کام نے بتایا کہ امریکی اور علاقائی شراکت دار مسلسل صورتحال پر نظر رکھے ہوئے ہیں۔ امریکی افواج و مفادات کے تحفظ کے لیے مکمل طور پر تیار اور محتاط ہیں۔

کویت کی حکومت نے ایرانی حملے کی مذمت کی ہے اور کہا ہے کہ وہ اپنی سرزمین کے تحفظ کے لیے ہر ممکن اقدام کا حق محفوظ رکھتے ہیں۔ کویت نے عالمی تنظیموں سے بھی مدد کی اپیل کی ہے۔

یاد رہے کہ ایران اور امریکہ کے درمیان کشیدگی کی وجہ سے خطے میں تناؤ بڑھ رہا ہے۔ حالیہ واقعات نے صورتحال کو مزید بگاڑ دیا ہے۔