نیویارک: (رائیٹ ناؤ نیوز) چینی وزیر خارجہ وانگ یی نے امید ظاہر کی ہے کہ ایران تنازع میں شامل فریقین جنگ بندی برقرار رکھیں گے۔ انہوں نے نیویارک میں بات چیت کرتے ہوئے کہا کہ فریقین کو درمیانی راستہ اختیار کرتے ہوئے بات چیت جاری رکھنی چاہیے۔

وانگ یی نے مزید کہا کہ مذاکرات میں ہر قدم امن کے لیے نئی امیدیں پیدا کرتا ہے۔ انہوں نے کہا کہ تنازع جلد ختم ہونے سے شہری جانوں کا نقصان کم ہوگا۔

چینی وزیر خارجہ کا کہنا ہے کہ مذاکرات کو کامیاب بنانے کی کوشش جاری رہنی چاہیے۔ انہوں نے کہا کہ خطے میں امن کے لیے سب کو مل کر کام کرنا ہوگا۔

یہ بیان آیت اللہ خامنہ ای کے اس اعلان کے بعد آیا ہے کہ خطے کے ممالک امریکی اڈوں کے لیے ڈھال نہیں بنیں گے۔

واضح رہے کہ امریکہ نے ایران پر فضائی حملے کرکے میزائل تنصیبات کو نشانہ بنانے کا دعویٰ کیا تھا، جس کے جواب میں ایران نے شدید ردعمل کی دھمکی دی تھی۔