مکہ مکرمہ: (رائیٹ ناؤ نیوز) سعودی وزارتِ حج و عمرہ نے عازمینِ حج کو وقوفِ عرفہ کے دوران خیموں میں موجود رہنے کی ہدایت کی ہے۔ غیر ضروری طور پر باہر نکلنے سے گریز کرنے کا کہا گیا ہے۔

وزارت کے مطابق میدانِ عرفات میں آج شدید گرمی کی پیشنگوئی ہے۔ عازمین کو سورج کی تیز دھوپ اور گرمی سے بچنے کے لیے احتیاطی تدابیر اپنانے کا مشورہ دیا گیا ہے۔

سعودی حکام نے کہا ہے کہ صبح 10 بجے سے شام 4 بجے تک عازمین خیموں میں رہیں۔ خطبۂ حج آڈیو ویڈیو لنک کے ذریعے سنا جا سکتا ہے۔

وزارتِ حج و عمرہ نے عازمین کو جبلِ رحمت پر چڑھنے سے بھی روک دیا ہے۔ اس سے گرمی کی شدت اور دھوپ کے باعث حادثات سے بچا جا سکے گا۔

یاد رہے کہ وقوفِ عرفہ حج کا اہم رکن ہے، جہاں لاکھوں مسلمان عبادت کے لیے جمع ہوتے ہیں۔ شدید گرمی کے باعث احتیاطی تدابیر اختیار کرنا ضروری ہے۔