واشنگٹن: (رائیٹ ناؤ نیوز) امریکی صدر ڈونلڈ ٹرمپ نے کہا ہے کہ ایران کے ساتھ معاہدہ ابھی مکمل طور پر طے نہیں ہوا۔ ٹرمپ نے واضح کیا کہ ان کا معاہدہ سابق صدر اوباما کے معاہدے کے برعکس ہوگا۔

ٹرمپ نے امریکی ٹی وی چینل اے بی سی سے گفتگو کرتے ہوئے بتایا کہ کسی نے ابھی تک ان کے معاہدے کو نہیں دیکھا۔ انہوں نے لوگوں کو ناکام تنقید کنندگان کی باتوں پر توجہ نہ دینے کی تاکید کی۔

امریکی خبر ایجنسی کے مطابق دونوں ممالک کے درمیان 60 دن کے مفاہمتی یادداشت (ایم او یو) پر دستخط کیے جائیں گے، جس میں باہمی رضامندی سے توسیع ممکن ہے۔

ٹرمپ کا کہنا تھا کہ ایران سے متعلق اچھی خبر ہی ہوگی، میں بُری ڈیل نہیں کرتا۔ ان کا کہنا تھا کہ یہ معاہدہ مکمل طور پر ایران پر منحصر ہے۔

یاد رہے کہ اس سے قبل ٹرمپ نے کہا تھا کہ ایران سے مذاکرات منظم اور تعمیری انداز میں آگے بڑھ رہے ہیں۔ انہوں نے ایک تصویر بھی جاری کی جس میں جنگی جہاز کے نیچے میزائل دکھایا گیا تھا۔