واشنگٹن: (رائیٹ ناؤ نیوز) امریکی صدر ڈونلڈ ٹرمپ نے کہا ہے کہ ایران کے ساتھ معاہدے کے مذاکرات مکمل ہونے کے قریب ہیں۔ انہوں نے اس حوالے سے مسلم ممالک کے رہنماؤں سے گفتگو کی ہے۔

صدر ٹرمپ نے سوشل میڈیا پر بتایا کہ وہ اوول آفس میں موجود ہیں اور سعودی عرب، متحدہ عرب امارات، قطر کے رہنماؤں سے گفتگو کر چکے ہیں۔ انہوں نے مختلف امور پر تبادلہ خیال کیا ہے۔

انہوں نے مزید بتایا کہ پاکستان، ترکیہ، مصر، اردن اور بحرین کے رہنماؤں سے بھی مذاکرات ہوئے۔ معاہدے اور امن کی مفاہمتی یادداشت پر گفتگو مثبت رہی۔

ٹرمپ نے کہا کہ معاہدہ بڑی حد تک طے پا چکا ہے اور اسرائیل کے وزیر اعظم نیتن یاہو سے بھی مثبت بات چیت ہوئی ہے۔ معاہدے کے آخری نکات پر گفتگو جاری ہے۔

یاد رہے کہ ٹرمپ نے مسلم رہنماؤں سے ٹیلیفونک رابطہ کر کے ایران کے ساتھ معاہدے پر زور دیا ہے۔ انہوں نے مسلم رہنماؤں سے اس معاملے پر حمایت حاصل کی ہے۔