نیویارک: (رائیٹ ناؤ نیوز) امریکا اور ایران ایک اہم معاہدے کے قریب پہنچ چکے ہیں جس میں 60 روزہ جنگ بندی میں توسیع شامل ہے۔ اس معاہدے کے تحت ایران پر پابندیاں نرم کی جائیں گی اور آبنائے ہرمز کو کھولا جائے گا۔

پاکستان نے بطور ثالث اہم کردار ادا کیا، جس کی قیادت فیلڈ مارشل عاصم منیر کر رہے ہیں۔ ان کا حالیہ دورہ ایران اسی سلسلے کی کڑی تھا۔

معاہدے کے دوران آبنائے ہرمز کو بغیر کسی ٹول ٹیکس کے کھول دیا جائے گا جبکہ ایران کو تیل کی فروخت کی اجازت دی جائے گی۔

ایران نے یورینیم افزودگی محدود کرنے کی زبانی یقین دہانی کرائی ہے جبکہ امریکی پابندیوں میں نرمی متوقع ہے۔

واضح رہے کہ معاہدے میں ایران کی جانب سے جوہری ہتھیار نہ حاصل کرنے کا عہد بھی شامل ہے۔ مزید برآں، لبنان میں اسرائیل اور حزب اللہ کے درمیان جنگ کے خاتمے کا ذکر بھی شامل ہے۔