واشنگٹن: (رائیٹ ناؤنیوز) امریکی صدر ڈونلڈ ٹرمپ نے خبردار کیا ہے کہ اگر سفارتی پیش رفت نہ ہوئی تو ایران کے خلاف امریکی حملوں کا امکان ہے۔ ٹرمپ نے کہا کہ ایران معاہدہ کرنے کے لیے بے تاب ہے اور حالات نازک موڑ پر ہیں۔

ٹرمپ نے ایک تعمیراتی سائٹ کے دورے کے دوران صحافیوں سے بات کرتے ہوئے کہا کہ وہ یقین سے نہیں کہہ سکتے کہ امریکا کو دوبارہ ایران پر حملہ کرنا پڑے گا یا نہیں۔ انہوں نے بتایا کہ ایران کے پاس محدود جوابی کارروائی کی صلاحیت موجود ہے۔

امریکی صدر نے کہا کہ ایران کو جوہری ہتھیار رکھنے کی اجازت نہیں دی جا سکتی۔ امریکا ایران کے خلاف حملے کے قریب تھا اور حملوں سے ایک گھنٹہ قبل بحری جہاز میزائلوں سے لیس تھے۔

انہوں نے کہا کہ ایران 47 برس سے آبنائے ہرمز کو عسکری قوت کے طور پر استعمال کرتا آ رہا ہے۔ ٹرمپ نے کہا کہ مذہب کی اہمیت معاشرے میں جرائم کی کمی کا باعث بن سکتی ہے۔

واضح رہے کہ امریکی صدر نے کیوبا کے حوالے سے کہا کہ وہاں کی موجودہ صورتحال میں تبدیلی کی ضرورت ہے، لیکن ان کے مطابق کیوبا کو مدد کی ضرورت ہے۔