واشنگٹن: (رائیٹ ناؤ نیوز) امریکی صدر ڈونلڈ ٹرمپ نے ایران کے ساتھ جنگ بندی کے فیصلے کے پیچھے پاکستان کی خاطر یہ قدم اٹھانے کی وضاحت کی ہے۔ انہوں نے کہا کہ وہ ذاتی طور پر اس کے حق میں نہیں تھے۔

صدر ٹرمپ نے ایئر فورس ون میں صحافیوں سے گفتگو کے دوران پاکستانی وزیراعظم اور فیلڈ مارشل کی تعریف کی اور انہیں شاندار شخصیات قرار دیا۔ انہوں نے کہا کہ ایران کو 20 برس کیلئے ایٹمی پروگرام معطل کرنے کیلئے مضبوط گارنٹی درکار ہوگی۔

ٹرمپ نے مزید کہا کہ چینی صدر نہیں چاہتے کہ تائیوان کے معاملے پر کوئی تصادم ہو۔ انہوں نے تائیوان کو ہتھیاروں کی منظوری کے بارے میں جلد فیصلہ کرنے کا عندیہ دیا۔

صدر ٹرمپ نے چینی صدر کے مؤقف کی تعریف کرتے ہوئے کہا کہ ایران کے پاس جوہری ہتھیار نہیں ہونے چاہییں۔ انہوں نے چینی کمپنیوں پر ایرانی تیل کی خریداری پر پابندیاں ہٹانے کا فیصلہ جلد کرنے کی بات کی۔

یاد رہے کہ امریکی صدر نے برطانوی وزیراعظم کی سیاسی مشکلات کا ذکر کرتے ہوئے کیئر اسٹارمر کے ایمیگریشن اور انرجی مسائل پر قابو پانے کی ضرورت پر زور دیا۔