سیئول: (رائیٹ ناؤ نیوز) جنوبی کوریا نے دنیا کا پہلا انسان نما راہب روبوٹ متعارف کرادیا ہے۔ یہ روبوٹ سیئول کے جوگی مندر میں بُدھا کے یوم پیدائش سے پہلے تقریب میں شریک ہوا۔

راہب روبوٹ کو ‘گابی’ کا نام دیا گیا ہے، جو 130 سینٹی میٹر لمبا ہے۔ گابی نے تقریب میں بدھ مت کا روایتی سرمئی اور بھورے رنگ کا لباس پہن کر خود کو بدھ مت کے لیے وقف کرنے کا عہد کیا۔

جنوبی کوریا میں یہ روبوٹک راہب بدھ مت کے پیروکاروں کے درمیان مقبولیت حاصل کر رہا ہے۔ حکام نے کہا ہے کہ گابی روایتی مذہبی رسومات کو جدید ٹیکنالوجی کے ساتھ ملا کر پیش کرے گا۔

یہ اقدام دنیا بھر میں مذہب اور ٹیکنالوجی کے درمیان بڑھتے ہوئے تعلقات کی عکاسی کرتا ہے۔ گابی کی شمولیت سے بدھ مت کے پیروکاروں میں نئی دلچسپی پیدا ہوسکتی ہے۔

یاد رہے کہ جدید ٹیکنالوجی کی مذہب میں شمولیت ایک نیا رخ اختیار کر رہی ہے۔ گابی جنوبی کوریا کا پہلا روبوٹ ہے جو مذہبی تقریبات میں شرکت کر رہا ہے۔