سرگودھا: (رائیٹ ناوٴ نیوز)۔ الخدمت فاؤنڈیشن کے بنو قابل پروگرام کی گریجویشن تقریب میں ایک ہزار سے زائد طلبہ نے شرکت کی۔ حافظ نعیم الرحمان نے خصوصی شرکت کی اور خطاب کرتے ہوئے کہا کہ اس پروگرام کے تحت نوجوانوں کو مفت اور معیاری تربیت دی جا رہی ہے۔

انہوں نے طلبہ کو مبارکباد دیتے ہوئے کہا کہ یہ نوجوان معاشرے میں مثبت کردار ادا کریں گے۔ انہوں نے مزید تعلیم کے خواہشمند طلبہ کے لیے مواقع فراہم کرنے کی یقین دہانی کرائی۔ مختلف شہروں میں کیمپسز قائم کیے گئے ہیں اور مزید بھی بنائیں جائیں گے۔

انہوں نے کہا کہ ملک میں لاکھوں بچے اسکولوں سے باہر ہیں اور ریاست کی ذمہ داری ہے کہ معیاری تعلیم فراہم کرے۔ انہوں نے آئین کے مطابق تعلیم کو بنیادی حق قرار دیا۔

ان کے مطابق موجودہ نظام میں تعلیم، انصاف اور مواقع میں عدم مساوات ہے، جسے بدلنے کی ضرورت ہے۔ انہوں نے نوجوانوں کو کہا کہ وہ معاشرے میں تبدیلی کے سفیر بنیں۔

یاد رہے کہ الخدمت فاؤنڈیشن کا بنو قابل پروگرام نوجوانوں کو اپنے پاوٴں پر کھڑا کرنے کے لیے تربیت فراہم کرتا ہے۔ یہ پروگرام معاشرتی ترقی میں اہم کردار ادا کر رہا ہے۔