اسلام آباد: (رائیٹ ناوٴ نیوز)۔ وزیراعظم شہباز شریف نے پاکستان سپر لیگ کے گیارہویں ایڈیشن کے فائنل میں تماشائیوں کو اسٹیڈیم آنے کی اجازت دی ہے۔ یہ اجازت چیئرمین پی سی بی محسن نقوی کی درخواست پر دی گئی۔

محسن نقوی نے سوشل میڈیا پر بتایا کہ وزیراعظم شہباز شریف سے تماشائیوں کو اسٹیڈیم میں آنے کی اجازت دینے کی درخواست کی تھی۔ محسن نقوی نے مزید کہا کہ وزیراعظم بھی چاہتے تھے کہ فینز کو اجازت دی جائے۔

فرنچائز اونرز کی درخواست پر وزیراعظم نے پی ایس ایل فائنل میں فینز کو اسٹیڈیم آنے کی اجازت دی ہے۔ محسن نقوی نے وزیراعظم کا شکریہ ادا کرتے ہوئے کہا کہ وزیراعظم نے کفایت شعاری مہم پر بھی زور دیا ہے۔

یہ اقدام ملک بھر میں جاری کفایت شعاری مہم کے تحت کیا گیا ہے، جو تیل بحران کے پیش نظر شروع کی گئی ہے۔

یاد رہے کہ مشرق وسطیٰ میں جاری کشیدگی اور امریکا ایران جنگ کے باعث تیل بحران پیدا ہوا ہے، جس کے پیش نظر وزیراعظم نے کفایت شعاری مہم کا اعلان کیا ہے۔