لاہور: (رائیٹ ناوٴ نیوز) خاتون ٹک ٹاکر کی پنجاب انفورسمنٹ اینڈ ریگولیٹری اتھارٹی (PERA) کی گاڑی پر چڑھ کر ماڈلنگ کی تصاویر اور ویڈیو وائرل ہوگئیں۔

سوشل میڈیا پر وائرل تصاویر اور ویڈیو میں ٹک ٹاکر کو پیرا فورس کی گاڑی پر چڑھے ویڈیو بناتے دیکھا جا سکتا ہے۔

اس حوالے سے ترجمان پیرا کا کہنا ہے کہ گاڑی کسی پارکنگ میں کھڑی تھی جب لڑکی نے ٹک ٹاک بنائی۔

پیرا کے ترجمان کے مطابق پتا چلا رہے ہیں کہ یہ ٹک ٹاکر کون ہے؟ تاہم ٹک ٹاک بناتے وقت گاڑی کے پاس کوئی افسر موجود نہیں تھا۔

واضح رہے کہ سوشل میڈیا پر کچھ عرصے سے ٹک ٹاکرز کی جانب سے غیر معمولی مقامات پر ویڈیو بنانے کا رجحان بڑھتا جا رہا ہے۔