اسلام آباد: (رائیٹ ناوٴ نیوز)۔ اپوزیشن لیڈر محمود اچکزئی اور پی ٹی آئی قیادت میں دوریاں بڑھ گئیں ہیں۔ اچکزئی نے اہم فیصلوں پر اعتماد میں نہ لینے پر تحریک انصاف سے ناراضی ظاہر کی ہے۔

ذرائع کے مطابق 9 اور 19 اپریل کے جلسوں کے اعلان سے قبل محمود اچکزئی سے مشاورت نہیں کی گئی۔ جلسے کے اعلان کے بعد بعض رہنماؤں نے انہیں آگاہ کیا، جس پر وہ ناراض ہوگئے اور مردان جلسے میں شرکت نہیں کی۔

چیئرمین تحریک انصاف بیرسٹر گوہر نے معاملات سلجھانے کی کوششیں شروع کی ہیں۔ انہوں نے سہیل آفریدی سے ملاقات کی اور محمود اچکزئی سے مشاورت پر اتفاق کیا۔

بیرسٹر گوہر نے بتایا کہ محمود اچکزئی اتحادی ہیں اور کسی قسم کی بداعتمادی نہیں ہے۔ انہوں نے وزیر اعلیٰ سے ملاقات کا ذکر کیا لیکن پارٹی کی اندرونی باتیں بتانے سے گریز کیا۔

واضح رہے کہ محمود اچکزئی کی ناراضگی کے باعث پی ٹی آئی کی قیادت کو چیلنجز کا سامنا ہے۔ پارٹی کی اتحاد میں ان کی شمولیت اہم ہے تاکہ مستقبل کے فیصلوں میں ہم آہنگی برقرار رہے۔