اسلام آباد: (رائیٹ ناوٴ نیوز) ایران اور امریکا کے درمیان بڑھتی کشیدگی کے باعث آبنائے ہرمز کی بندش سے عالمی مارکیٹ میں تیل کی قیمتوں میں اضافہ ہوا ہے۔

برینٹ خام تیل کی قیمت 94 ڈالر 87 سینٹ فی بیرل تک پہنچ گئی جبکہ امریکی خام تیل کی قیمت 88 ڈالر 77 سینٹ فی بیرل ہو گئی ہے۔

علاوہ ازیں، جاپان کے نکی انڈیکس میں 0.60 فیصد، چین کے شنگھائی کمپوزٹ انڈیکس میں 0.76 فیصد اور ہانگ کانگ کے ہینگ سینگ انڈیکس میں 0.77 فیصد اضافہ ہوا۔

تیل کی قیمتوں میں اضافے کا اثر عالمی معیشت پر پڑ رہا ہے جس سے مختلف شعبے متاثر ہو سکتے ہیں۔

واضح رہے کہ آبنائے ہرمز عالمی تجارت کے لیے ایک اہم راستہ ہے، جہاں سے دنیا کے ایک تہائی تیل کی ترسیل ہوتی ہے۔