اسلام آباد: (رائیٹ ناوٴ نیوز) فیلڈ مارشل سید عاصم منیر نے ایرانی بندرگاہوں کی ناکہ بندی کے معاملے پر امریکی صدر سے رابطہ کیا ہے۔

امریکی صدر ڈونلڈ ٹرمپ نے پاکستانی فیلڈ مارشل کو یقین دلایا ہے کہ وہ ان کے مؤقف پر غور کریں گے، جو ایران کے ساتھ امن مذاکرات میں رکاوٹ سمجھا جا رہا ہے۔

رائٹرز کے مطابق، پاکستانی سیکیورٹی ذرائع نے بتایا کہ دونوں رہنماؤں کے درمیان یہ گفتگو ایک ٹیلیفونک رابطے کے دوران ہوئی، جب خطے میں کشیدگی کم کرنے کی کوششیں جاری ہیں۔

یہ رابطہ ایسے وقت میں ہوا جب ایران نے امریکہ کے ساتھ اعلیٰ سطح کے مذاکرات میں شرکت سے انکار کر دیا ہے۔ ایرانی وزارت خارجہ کے ترجمان کے مطابق موجودہ حالات مزید بات چیت کے لیے سازگار نہیں ہیں۔

واضح رہے کہ پاکستان حالیہ عرصے میں واشنگٹن اور تہران کے درمیان کشیدگی کم کرنے کے لیے ثالثی کردار ادا کر رہا ہے، تاہم اس کے نتائج محدود رہے ہیں۔