بغداد: (رائیٹ ناؤ نیوز) عراقی وزیراعظم علی فالح الزیدی نے ملک میں فضائی حملوں کے بعد سعودی عرب کا دورہ ملتوی کر دیا ہے۔ حکومتی ذرائع کا کہنا ہے کہ سیکیورٹی خدشات کے باعث یہ فیصلہ کیا گیا۔

بین الاقوامی میڈیا کے مطابق وزیراعظم علی فالح الزیدی جمعرات کو سعودی عرب کے سرکاری دورے پر روانہ ہونے والے تھے۔ دورے کے دوران مختلف شعبوں میں تعاون کے معاہدے طے پانے تھے۔

ذرائع نے بتایا کہ دورے کے دوران سیکیورٹی تعاون، اقتصادی شراکت داری اور خطے کی صورتحال پر اہم مذاکرات متوقع تھے۔

بدھ کو عراق میں مشترکہ فضائی حملے کے بعد صورتحال بدل گئی۔ ان حملوں میں کم از کم 20 عراقی جنگجو ہلاک ہوئے، جس سے سیکیورٹی خدشات بڑھ گئے۔

واضح رہے کہ موجودہ حالات میں عراق اپنی داخلی سلامتی اور علاقائی کشیدگی پر توجہ دے رہا ہے۔ ماہرین کے مطابق یہ صورتحال عراق اور سعودی عرب کے تعلقات پر اثر ڈال سکتی ہے۔