ریاض: (رائیٹ ناؤ نیوز) سعودی عرب نے پاکستان میں ڈاکٹر راجع تامی البگامی کو نیا سفیر مقرر کر دیا ہے۔ انہوں نے حال ہی میں سعودی ولی عہد کے سامنے اپنے عہدے کا حلف اٹھایا۔

ڈاکٹر راجع تامی البگامی نے 2024 میں میجر جنرل کے عہدے سے سبکدوشی اختیار کی اور سعودی وزارت خارجہ میں شمولیت اختیار کی۔ وہ جلد پاکستان میں اپنی نئی ذمہ داریاں سنبھالیں گے۔

ان کی تقرری کے بعد موجودہ سفیر نواف المالکی تقریباً ایک ماہ تک اپنے عہدے پر رہیں گے۔ ڈاکٹر راجع نے 2015 میں برونیل یونیورسٹی، لندن سے ایچ آر ایم میں پی ایچ ڈی کی ڈگری حاصل کی۔

سعودی عرب کی جانب سے یہ تقرری دونوں ممالک کے تعلقات کو مزید مضبوط کرنے کے لیے اہم قرار دی جا رہی ہے۔ سعودی حکام کے مطابق یہ اقدام دوطرفہ تعاون کو بڑھانے کی کوششوں کا حصہ ہے۔

واضح رہے کہ ڈاکٹر راجع تامی البگامی کی تقرری سے پہلے وہ سعودی وزارت خارجہ میں اہم ذمہ داریاں سرانجام دے چکے ہیں، ان کا تجربہ دونوں ممالک کے تعلقات میں مزید بہتری لائے گا۔