یورپ سے 57 ہزار 650 میٹرک ٹن ڈیزل کی کھیپ کراچی پہنچ گئی، ملک میں پیٹرولیم فراہمی میں بہتری کی توقع۔
کراچی: (رائیٹ ناوٴ نیوز) پاکستان کے لیے یورپ سے ڈیزل کی بڑی کھیپ کراچی پہنچ چکی ہے۔
لائبیریا کے بحری جہاز ‘لامو’ نے پورٹ قاسم پر لنگر انداز ہو کر 57 ہزار 650 میٹرک ٹن ڈیزل کی کھیپ پہنچا دی۔ جہاز ایمسٹرڈیم سے روانہ ہوا تھا۔
پورٹ انتظامیہ نے بتایا ہے کہ یہ بحری جہاز فوٹکو ٹرمینل پر ڈیزل کی ڈسچارجنگ کرے گا۔
ذرائع کا کہنا ہے کہ اس درآمد سے ملک میں پیٹرولیم مصنوعات کی دستیابی میں بہتری آئے گی۔
یاد رہے کہ پاکستان کی معیشت میں پیٹرولیم مصنوعات کی فراہمی ایک اہم مسئلہ رہا ہے، اور یہ کھیپ اس ضمن میں اہم کردار ادا کرے گی۔
