نیو یارک: (رائیٹ ناوٴ نیوز) گوگل نے جی میل میں مصنوعی ذہانت جیمنائی کو شامل کرنے کا اعلان کیا ہے، جس سے دنیا بھر کے 2 ارب صارفین متاثر ہوں گے۔ جیمنائی اے آئی ای میلز لکھنے، خلاصہ کرنے اور سوالات کے جواب دینے میں مددگار ہوگی۔

یہ سہولت اہم پیش رفت ہے، مگر ماہرین کے مطابق صارفین کی پرائیویسی کے لیے خطرہ بن سکتی ہے۔ جی میل کے نائب صدر بلیک بارنز کہتے ہیں کہ جیمنائی ذاتی معاون کی طرح کام کرے گا مگر ڈیٹا بھول جائے گا۔

پرائیویسی خدشات کے باوجود گوگل کا دعویٰ ہے کہ نجی ای میلز اے آئی کی ٹریننگ کے لیے استعمال نہیں ہوتیں۔ لیکن اسکیننگ سے خطرہ برقرار ہے۔

صارفین کو متحرک ہوکر اپنی سیٹنگز چیک کرنی چاہئیں۔ نئے اے آئی فیچرز ممکنہ طور پر بائی ڈیفالٹ آن ہوں گے، جس سے ڈیٹا شیئرنگ کا امکان بڑھ جاتا ہے۔

واضح رہے کہ گوگل کا کہنا ہے کہ ان باکس کی حفاظت صارف کا کام ہے اور وہ صرف ٹولز فراہم کر رہے ہیں، لہٰذا پرائیویسی کے اقدامات کو اہمیت دیں۔