لکی مروت میں پولیس وین کے قریب دھماکے میں 5 اہلکار زخمی ہو گئے، تحقیقات جاری ہیں۔
لکی مروت: (رائیٹ ناوٴ نیوز) شہباز خیل اڈہ پر پولیس موبائل کے قریب ریموٹ کنٹرول بم کے دھماکے سے 5 پولیس اہلکار زخمی ہو گئے۔
پولیس نے بتایا کہ زخمیوں میں ایک اے ایس آئی بھی شامل ہیں، جنہیں فوری طور پر مقامی اسپتال منتقل کیا گیا ہے۔
پولیس کا کہنا ہے کہ دھماکا خیز مواد ایک موٹرسائیکل میں نصب تھا جو پولیس وین کے قریب پارک کی گئی تھی۔
واقعے کے بعد پولیس نے علاقے کو گھیرے میں لے کر تحقیقات شروع کر دی ہیں، اور مزید معلومات اکٹھی کی جا رہی ہیں۔
یاد رہے کہ لکی مروت میں اس سے قبل بھی دہشت گردی کے واقعات پیش آ چکے ہیں، جن میں پولیس اہلکاروں کو نشانہ بنایا گیا تھا۔
