بیجنگ: (رائیٹ ناوٴ نیوز) چین کی وزارت خارجہ نے ایران سے متعلق تنازعے میں فوری جنگ بندی کا مطالبہ کیا ہے۔ وزارت خارجہ کی ترجمان ماؤ ننگ نے کہا کہ تمام فریق فوراً فوجی کارروائیاں روکیں۔

ماؤ ننگ نے پریس بریفنگ میں کہا کہ فوجی ذرائع مسئلے کا حل نہیں دے سکتے۔ انہوں نے مزید کہا کہ کشیدگی میں اضافہ کسی کے مفاد میں نہیں۔

چینی ترجمان نے آبنائے ہرمز میں بے چینی کی جڑ غیر قانونی فوجی کارروائیوں کو قرار دیا۔ ان کے مطابق ایسے اقدامات سے گریز کرنا چاہیے جو عالمی معیشت پر اثر ڈالیں۔

یہ بیان ایسے وقت میں آیا ہے جب ڈونلڈ ٹرمپ نے ایران پر مزید سخت حملوں کی دھمکی دی ہے۔ چین اور پاکستان پہلے ہی خطے میں جنگ بندی کی حمایت کر چکے ہیں۔

واضح رہے کہ آبنائے ہرمز عالمی تیل اور گیس رسد کے لیے اہم گزرگاہ ہے۔ کشیدگی بڑھنے سے عالمی تجارت اور توانائی منڈیوں پر دباؤ بڑھ سکتا ہے۔