تہران: (رائیٹ ناوٴ نیوز) ایران کے صدر مسعود پزشکیان نے خطے میں جاری جنگ کے خاتمے کے لیے ایران کے جائز حقوق کی تسلیم، نقصانات کا ہرجانہ ادا کرنے اور آئندہ جارحیت کے خلاف بین الاقوامی ضمانتوں کی فراہمی کو ضروری قرار دیا ہے۔

صدر پزشکیان نے سوشل میڈیا پلیٹ فارم پر جاری بیان میں کہا کہ انہوں نے روس اور پاکستان کی قیادت سے گفتگو میں خطے میں امن کے لیے ایران کے مؤقف کو دہرایا۔ ان کا کہنا تھا کہ موجودہ جنگ کا آغاز اسرائیل اور امریکہ کی کارروائیوں سے ہوا۔

Talking to leaders of Russia and Pakistan, I reaffirmed Iran’s commitment to peace in the region. The only way to end this war—ignited by the Zionist regime & US—is recognizing Iran’s legitimate rights, payment of reparations, and firm int'l guarantees against future aggression.

— Masoud Pezeshkian (@drpezeshkian) March 11, 2026

ایرانی صدر نے اس بات پر زور دیا کہ ایران خطے میں امن اور استحکام کا خواہاں ہے، تاہم اس کے لیے ضروری ہے کہ ایران کے قانونی حقوق تسلیم کیے جائیں اور جنگ سے ہونے والے نقصانات کا ازالہ کیا جائے۔

انہوں نے مزید کہا کہ مستقبل میں کسی بھی ممکنہ جارحیت کو روکنے کے لیے واضح اور مضبوط بین الاقوامی ضمانتیں فراہم کی جانی چاہئیں۔

واضح رہے کہ ایران اور امریکہ و اسرائیل کے درمیان کشیدگی کے باعث مشرق وسطیٰ میں سکیورٹی صورتحال مسلسل غیر یقینی کا شکار ہے اور متعدد ممالک سفارتی رابطوں کے ذریعے جنگ بندی کی کوششوں میں مصروف ہیں۔