اسلام آباد: (رائیٹ ناوٴ نیوز) سابق سپیکر قومی اسمبلی اسد قیصر نے اعلان کیا ہے کہ عمران خان کی صحت پر کوئی سمجھوتہ نہیں کیا جائے گا۔ انہوں نے پارلیمنٹ ہاؤس کے سامنے دھرنے کے دوران کہا کہ عمران خان کو فوری طور پر ہسپتال منتقل کیا جائے۔

اسد قیصر نے بتایا کہ ہم گزشتہ تین دن سے پارلیمنٹ ہاؤس کے سامنے موجود ہیں اور ہمارا دھرنا بانی پی ٹی آئی کی صحت کے تحفظ کے لیے ہے۔ انہوں نے کہا کہ 30 سال تحریک انصاف میں جدوجہد کی ہے اور بانی پی ٹی آئی کے ساتھ ہمارا تعلق بھی ایک مقصد کے لیے ہے۔

انہوں نے مزید کہا کہ محمود خان اچکزئی نے تمام اراکین قومی و صوبائی اسمبلی کو مشاورت کے لیے بلایا تھا اور فیصلہ ہوا کہ پارلیمنٹ کے سامنے دھرنے پر بیٹھا جائے۔