کولمبو میں ٹی 20 ورلڈ کپ کے میچ میں بھارت نے پاکستان کو 175 کے تعاقب میں 61 رنز سے شکست دے دی، عثمان خان 44 رنز کے ساتھ نمایاں رہے۔
کولمبو: (رائیٹ ناوٴ نیوز) ٹی 20 ورلڈ کپ کے گروپ اے کے میچ میں بھارت نے پاکستان کو 61 رنز سے شکست دے دی۔ بھارت نے پہلے بیٹنگ کرتے ہوئے 175 رنز بنائے جبکہ پاکستان کی ٹیم 18 اوورز میں 114 رنز بنا کر آؤٹ ہوگئی۔
پاکستان کی طرف سے عثمان خان 44 رنز کے ساتھ نمایاں رہے جبکہ شاہین شاہ آفریدی نے 23 رنز کی اننگز کھیلی۔ بھارت کی طرف سے جسپریت بمراہ اور ہاردک پانڈیا نے دو، دو وکٹیں حاصل کیں۔
شاہین شاہ آفریدی اور عثمان طارق کے درمیان دسویں وکٹ کے لیے 17 رنز کی شراکت قائم ہوئی جو ٹی 20 ورلڈ کپ میں پاکستان کی دسویں وکٹ کی سب سے بڑی شراکت ہے۔ بھارت کی کامیابی کے بعد گروپ اے میں اس کی پوزیشن مستحکم ہوگئی ہے۔
