راولپنڈی: (رائیٹ ناوٴ نیوز) عمران خان کے اڈیالہ جیل میں علاج معالجے کا تمام ریکارڈ ہوم ڈپارٹمنٹ پنجاب نے طلب کر لیا۔ جیل حکام کو ہدایت کی گئی ہے کہ عمران خان کے وائٹل سائنز کا مکمل چارٹ اور کنسلٹنٹس کی رپورٹس فراہم کی جائیں۔

جیل حکام کے مطابق، آن ڈیوٹی ڈاکٹر روزانہ تین مرتبہ عمران خان کے وائٹل سائنز ریکارڈ کرتے ہیں۔ حکومت نے عمران خان کو آنکھوں کے علاج کے لیے الشفا آئی اسپتال کے دو ماہر ڈاکٹروں پر مشتمل پینل کے تحت اسپتال منتقل کرنے کا فیصلہ کیا ہے۔

ترجمان پی ٹی آئی نے کہا ہے کہ ذاتی ڈاکٹروں کی عدم موجودگی میں عمران خان کا کوئی علاج شروع نہ کیا جائے، جبکہ بانی پی ٹی آئی کی صحت کے پیش نظر اسپتال منتقلی کا فیصلہ کیا گیا ہے۔