پشاور: (رائیٹ ناوٴ نیوز)خیبر پختونخوا کے وزیراعلیٰ سہیل آفریدی سے سخت سوال کرنے والی طالبہ کی ویڈیو وائرل ہونے کے بعد یہ دعویٰ کیا جا رہا تھا کہ حکومت نے اس کے والد کو ملازمت سے نکال دیا ہے۔

انٹرنیٹ پر ایک مبینہ نوٹیفکیشن وائرل ہوا جس میں محکمہ تعلیم کے ایک ملازم کو غیر حاضری پر برطرف کرنے کا ذکر تھا، لیکن فاطمہ خان نے وضاحت کی کہ ان کے والد کبھی محکمہ تعلیم میں ملازم نہیں رہے۔

طالبہ نے بتایا کہ ان کے والد ڈاکٹر اخوان خان خیبر پختونخوا کے لائیو اسٹاک ڈپارٹمنٹ سے ریٹائر ہوچکے ہیں۔ چیف سیکرٹری اور ڈائریکٹر ایلیمنٹری ایجوکیشن نے بھی نوٹیفکیشن کو جعلی قرار دیا۔

فیکٹ چیک میں یہ دعویٰ جھوٹا ثابت ہوا کہ وزیراعلیٰ سے سوال کرنے پر طالبہ کے والد کو برطرف کیا گیا، حکومت نے ایسا کوئی نوٹیفکیشن جاری نہیں کیا۔