نئی دہلی: (رائیٹ ناوٴ نیوز) بنگلہ دیش کی سابق وزیر اعظم شیخ حسینہ کو انسانی حقوق کی خلاف ورزیوں پر سزائے موت سنائی گئی ہے جبکہ وہ بھارت میں پناہ گزین ہیں۔ بنگلہ دیش کی عبوری حکومت نے ان کی فوری حوالگی کا مطالبہ کیا ہے۔

بنگلہ دیشی وزارت خارجہ کے مطابق دو طرفہ معاہدے کے تحت یہ بھارت کی ذمہ داری ہے، تاہم بھارتی وزارت خارجہ نے اس پر کوئی واضح جواب نہیں دیا۔

بھارتی قانون کے تحت سیاسی یا غیر منصفانہ الزامات کی صورت میں حوالگی کو مسترد کیا جا سکتا ہے، جبکہ 2013 کے معاہدے میں ‘دوہری مجرمانہ ذمہ داری’ کی شرط موجود ہے۔

بھارت کے ایکسٹرڈیشن ایکٹ 1962 کے تحت حکومت کو اختیار ہے کہ حوالگی کا مطالبہ رد کر سکے، خاص طور پر اگر یہ مطالبہ سیاسی یا غیر سنجیدہ ہو۔

قانونی قواعد کے لحاظ سے بھارت کے پاس شیخ حسینہ کی حوالگی کی درخواست مسترد کرنے کے اختیارات موجود ہیں، اور امکان ہے کہ نئی دہلی انہیں بنگلہ دیش کے حوالے نہیں کرے گی۔