کراچی: (رائیٹ ناوٴ نیوز) سینئر پاکستانی اداکار جاوید شیخ نے بشریٰ انصاری کے ایک مذاق پر شدید ناراضی کا اظہار کیا ہے۔ ایک تقریب کے دوران بشریٰ انصاری نے جاوید شیخ کی ذاتی زندگی کا ذکر مذاق کے انداز میں کیا، جس پر جاوید شیخ نے کھل کر اپنا ردعمل دیا۔\n\nبشریٰ انصاری نے جاوید شیخ کی شادی اور طلاق کے متعلق طنزیہ بات کی، جس پر جاوید شیخ نے کہا کہ ٹوٹی ہوئی شادی یا گھر کسی کے لیے مذاق نہیں ہو سکتا۔ انہوں نے کہا کہ انہوں نے کبھی بشریٰ انصاری کی ذاتی زندگی پر بات نہیں کی، اس لیے کسی اور کی ذاتی زندگی پر طنز کرنا مناسب نہیں۔\n\nیہ ویڈیو سوشل میڈیا پر تیزی سے وائرل ہو گئی، جہاں صارفین نے جاوید شیخ کے مؤقف کی حمایت کی جبکہ بشریٰ انصاری کی گفتگو کو غیر موزوں قرار دیا۔