پاکستان اور انڈونیشیا کے درمیان 40 جے ایف-17 طیارے اور ڈرونز کے دفاعی معاہدے پر بات چیت جاری ہے۔
اسلام آباد: (رائیٹ ناوٴ نیوز) پاکستان اور انڈونیشیا کے درمیان دفاعی تعاون کے معاہدے کی بات چیت چل رہی ہے۔ جکارتہ کی حکومت پاکستانی ساختہ 40 جے ایف-17 تھنڈر طیارے اور ڈرونز خریدنے کی خواہاں ہے۔
انڈونیشیا کے وزیر دفاع سجا فری سجامسودین نے اسلام آباد میں ایئر چیف مارشل ظہیر احمد بابر سدھو سے ملاقات کی۔ اس ملاقات میں طیاروں اور مسلح ڈرونز کی ممکنہ فروخت پر بات چیت ہوئی۔
انڈونیشیا کی وزارت دفاع نے ملاقات کی تصدیق کی اور بتایا کہ عمومی دفاعی تعاون، سٹریٹجک ڈائیلاگ اور دفاعی اداروں کے درمیان رابطہ مضبوط کرنے پر گفتگو ہوئی۔
پاکستان خطے میں ایک نمایاں دفاعی سپلائر بننے کی کوشش کر رہا ہے اور مختلف ممالک کے ساتھ دفاعی معاہدے کر رہا ہے۔
