واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے کہا ہے کہ ان کے دورِ صدارت میں چین کے صدر شی جن پنگ تائیوان پر فوجی کارروائی نہیں کریں گے۔

ٹرمپ نے ایک انٹرویو میں کہا کہ اگرچہ چین تائیوان کو اپنا حصہ سمجھتا ہے، لیکن صدر شی جن پنگ ان کے دورِ صدارت میں تائیوان پر حملہ کرنے کا ارادہ نہیں رکھتے۔

صدر ٹرمپ نے مزید کہا کہ چین کے تائیوان پر کسی بھی اقدام کا فیصلہ چینی صدر پر منحصر ہے، اور وہ امید کرتے ہیں کہ چین کوئی کارروائی نہیں کرے گا۔

امریکی روس جوہری معاہدے کے بارے میں ٹرمپ نے کہا کہ اگر یہ معاہدہ ختم ہوتا ہے تو ہونے دیں، لیکن مستقبل کے معاہدے میں چین کو شامل کیا جانا چاہیے۔ امریکا اور روس کا نیو اسٹارٹ معاہدہ 5 فروری کو ختم ہو رہا ہے۔