جیکب آباد: (رائیٹ ناوٴ نیوز) جیکب آباد ریلوے اسٹیشن پر نابینا قلی اکبر علی جمالی کی بیٹی کے سہارے سامان اٹھانے کی ویڈیو وائرل ہونے پر وفاقی وزیر ریلوے حنیف عباسی نے نوٹس لیا ہے۔

اکبر علی جمالی برسوں سے اپنی کمسن بیٹی کی مدد سے مسافروں کا سامان اٹھاتے رہے ہیں۔ وزیر ریلوے نے جمالی کی اپیل منظور کرتے ہوئے ان کے بیٹے کو پاکستان ریلوے میں ملازمت دینے کا اعلان کیا ہے۔

وفاقی وزیر ریلوے نے اکبر علی جمالی سے ملاقات کی خواہش بھی ظاہر کی ہے اور ان کے ممکن علاج کے لیے اپنی جیب سے مالی معاونت کا اعلان کیا ہے، ساتھ ہی مزید ویلفیئر اقدامات کا وعدہ کیا ہے۔

یہ قلی اپنی بیٹی کی مدد سے، جو صرف چھ یا سات سال کی ہے، محنت کر کے اپنے خاندان کی کفالت کرتا ہے۔