اسلام آباد: (رائیٹ ناؤ نیوز) پاکستان میں پیٹرول کی قیمت 345 روپے 87 پیسے فی لیٹر مقرر کی گئی ہے جبکہ ہائی اسپیڈ ڈیزل 378 روپے 05 پیسے فی لیٹر میں فروخت ہو رہا ہے۔

وزارتِ پیٹرولیم نے 5 ستمبر سے 7 ستمبر تک کے لیے قیمتوں کا نوٹیفکیشن جاری کیا۔ پیٹرول کی قیمت میں 3 روپے 13 پیسے کی کمی کی گئی جبکہ ڈیزل کی قیمت میں 3 روپے 74 پیسے کا اضافہ ہوا۔

حکام کے مطابق جولائی سے اب تک پیٹرول کی قیمت میں 13 مرتبہ کمی اور 19 مرتبہ اضافہ ہوا ہے۔ ہائی اسپیڈ ڈیزل کی قیمت میں 10 مرتبہ کمی اور 22 مرتبہ اضافہ ریکارڈ کیا گیا۔

مشرق وسطیٰ کی صورتحال کے پیش نظر حکومت روزانہ کی بنیاد پر پیٹرولیم قیمتوں کا تعین کرتی ہے، تاہم ویک اینڈ پر قیمتیں مستحکم رہتی ہیں۔

یاد رہے کہ عالمی مارکیٹ میں تیل کی قیمتوں کے اتار چڑھاؤ کے باعث حکومت کو قیمتوں میں تبدیلیاں کرنا پڑتی ہیں، جس کا براہ راست اثر عوام پر پڑتا ہے۔