اسلام آباد: (رائیٹ ناؤ نیوز) حکومت نے پیٹرولیم مصنوعات کی قیمتوں میں اضافہ کر دیا ہے۔ پیٹرولیم ڈویژن کے نوٹیفکیشن کے مطابق پیٹرول کی فی لیٹر قیمت میں 1 روپے 8 پیسے کا اضافہ کیا گیا ہے، جس سے نئی قیمت 343 روپے 87 پیسے ہو گئی ہے۔

ڈیزل کی قیمت میں 51 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 370 روپے 92 پیسے مقرر کی گئی ہے۔

نوٹیفکیشن کے مطابق یہ نئی قیمتیں 2 ستمبر سے نافذ العمل ہیں اور فوری طور پر لاگو کی جائیں گی۔

پیٹرولیم مصنوعات کی قیمتوں میں اضافہ عوام پر اضافی مالی بوجھ ڈالے گا، جس سے روزمرہ کی اشیاء کی قیمتوں میں بھی اضافہ متوقع ہے۔

واضح رہے کہ گزشتہ روز بھی پیٹرول کی قیمت میں 77 پیسے فی لیٹر اضافہ ہوا تھا جبکہ ڈیزل کی قیمت میں 1 روپے 3 پیسے کمی ہوئی تھی، جس سے قیمتوں میں استحکام کی کمی نظر آ رہی ہے۔