اسکرین پروٹیکٹر کے استعمال سے فون کی اسکرین محفوظ رہتی ہے، مگر متاثرہ پروٹیکٹر نقصان کا باعث بن سکتا ہے، ماہرین کا مشورہ ہے کہ فوراً بدل دیا جائے۔
اسلام آباد: (رائیٹ ناؤ نیوز) اسمارٹ فونز کی اسکرین کو بچانے کے لیے زیادہ تر لوگ اسکرین پروٹیکٹر استعمال کرتے ہیں۔ مختلف قسم کے اسکرین پروٹیکٹر مارکیٹ میں دستیاب ہیں، جن میں سافٹ فلم اور گلاس بیسڈ پروٹیکٹر شامل ہیں۔
اگر فون گر جائے یا کسی چیز سے ٹکرا جائے تو اسکرین پروٹیکٹر متاثر ہو سکتا ہے۔ اس کے نتیجے میں پروٹیکٹر کریک ہو جاتا ہے، جو وقت کے ساتھ زیادہ خراب نظر آتا ہے۔
ماہرین کے مطابق، اگر اسکرین پروٹیکٹر زیادہ متاثر ہو چکا ہو تو اسے فوراً بدل دینا چاہیے۔ ایسے پروٹیکٹر کے استعمال سے انگلیاں کٹ سکتی ہیں اور اسکرین کو بھی نقصان پہنچ سکتا ہے۔
متاثرہ پروٹیکٹر کے باعث اسکرین کے مخصوص حصے کی ٹچ اسکرین کام نہیں کر سکتی۔ اس کے علاوہ، پروٹیکٹر کو ہٹاتے وقت اسکرین پر خراشیں بھی پڑ سکتی ہیں۔
واضح رہے کہ اسکرین پروٹیکٹر بدلتے وقت احتیاط سے کام لینا چاہیے تاکہ انجری یا نیچے موجود اسکرین کو نقصان سے بچا جا سکے۔
