فلوریڈا: (رائیٹ ناؤ نیوز) کائنات کے بڑے رازوں کو جاننے کے لیے ناسا کی نینسی گریس رومن اسپیس ٹیلی اسکوپ آج فلوریڈا کے کینیڈی اسپیس سینٹر سے خلا میں روانہ ہوگی۔ اس کے تمام انتظامات مکمل کرلیے گئے ہیں۔

یہ ٹیلی اسکوپ 4 ارب ڈالر کی لاگت سے تیار کی گئی ہے اور اسپیس ایکس کے فالکن راکٹ کے ذریعے روانہ ہوگی۔ لانچنگ تقریب میں ناسا کے ماہرین کے علاوہ یونیورسٹیوں کے اساتذہ اور طلبا بھی شریک ہوں گے۔

ناسا کے مطابق رومن ٹیلی اسکوپ نظام شمسی سے باہر موجود سیاروں کا مشاہدہ کرے گی اور ہبل اسپیس ٹیلی اسکوپ کے مقابلے میں 100 گنا زیادہ وسیع علاقے کا جائزہ لے گی۔

مشاہدات کے دوران رومن ٹیلی اسکوپ سے ہزاروں نئے خارج شمسی سیارے دریافت ہونے کی توقع ہے۔ باقاعدہ سائنسی مشاہدات جنوری 2027 میں شروع ہوں گے۔

یاد رہے کہ ناسا کی یہ پیش رفت خلا کی تحقیق میں ایک اہم تبدیلی کا باعث بنے گی اور مستقبل کے مشنوں کے لیے راہ ہموار کرے گی۔