لاہور: (رائیٹ ناؤ نیوز) واٹس ایپ نے صارفین کو فراڈ سے بچانے کے لیے نیا فیچر متعارف کروا دیا ہے۔ یہ فیچر صارفین کو ممکنہ فراڈ میسجز پر اضافی الرٹ فراہم کرے گا۔

یہ فیچر اسکام الرٹ کہلاتا ہے اور اسے جون 2026 میں رپورٹ کیا گیا تھا۔ فی الحال یہ اینڈرائیڈ بیٹا ورژن میں دستیاب ہے۔ WABetaInfo کے مطابق، یہ فیچر نامعلوم کانٹیکٹس کے پیغامات پر الرٹ دے گا۔

واٹس ایپ کا یہ فیچر خودکار مداخلت نہیں کرے گا بلکہ ممکنہ خطرات کا تجزیہ کرے گا۔ صارفین میسجز کے بارے میں خود فیصلہ کریں گے کہ بلاک کریں یا نہ کریں۔

واضح رہے کہ یہ فیچر بائی ڈیفالٹ ان ایبل نہیں ہوگا۔ صارفین کو اسے واٹس ایپ سیٹنگز میں جاکر ان ایبل کرنا ہوگا۔ اس فیچر میں مشین لرننگ کا استعمال کیا گیا ہے تاکہ فراڈ میسجز کا تجزیہ کیا جا سکے۔

واٹس ایپ کی جانب سے ایسی ٹیکنالوجی کا استعمال وائس میسجز کے ٹرانسکرپشن فیچر کے لیے بھی ہو رہا ہے۔ ابھی یہ بیٹا ورژن میں ہے، مکمل دستیابی کی تاریخ نہیں بتائی گئی۔