لاس اینجلس: (رائیٹ ناؤ نیوز) ہالی ووڈ اداکارہ شیلین ووڈلی نے بتایا ہے کہ انہیں 2014 کی فلم ‘دی امیزنگ اسپائیڈر مین 2’ میں میری جین واٹسن کا کردار دیا گیا تھا لیکن ان کے مناظر فلم سے حذف کر دیے گئے۔ انہوں نے کہا کہ فلم کی ریلیز سے قبل انہیں مطلع کیا گیا۔

شیلین ووڈلی نے انکشاف کیا کہ اسپائیڈر مین ان کا پسندیدہ سپر ہیرو تھا اور میری جین ان کا پسندیدہ کردار، اس لیے انہیں منتخب ہونے پر خوشی ہوئی تھی۔ انہوں نے اینڈریو گارفیلڈ کے ساتھ تقریبا تین مناظر فلمائے۔

اداکارہ کو ایک سال بعد بتایا گیا کہ وہ فلم کا حصہ نہیں رہیں گی۔ وضاحت میں کہا گیا کہ فلم میں پہلے ہی کئی نئے کردار متعارف کرائے جا رہے تھے، اس لیے میری جین کو بعد کی فلم میں شامل کرنے کا منصوبہ تھا۔

فلم سازوں نے ایما اسٹون اور اینڈریو گارفیلڈ کے کرداروں کی کہانی مکمل کرنے کا ارادہ کیا تھا۔ تاہم، سیریز کی تیسری فلم نہ بن سکنے کے باعث شیلین ووڈلی کی واپسی ممکن نہ ہوئی۔

یاد رہے کہ شیلین ووڈلی نے مزاحیہ انداز میں کہا کہ شاید ان کی اداکاری ہی خراب رہی ہو، جس کی وجہ سے انہیں فلم سے نکالا گیا۔