ہالی وڈ: (رائیٹ ناؤ نیوز) مارول اسٹوڈیوز نے اپنی نئی سپر ہیرو فلم ‘ایونجرز: ڈومز ڈے’ کا نیا ٹریلر جاری کیا ہے۔ اس میں ڈاکٹر ڈوم کی حیران کن واپسی نے مداحوں کو چونکا دیا ہے۔

نئے ٹریلر میں ڈاکٹر ڈوم کو اندرونی کشمکش کا شکار دکھایا گیا ہے۔ شائقین کو پہلی بار ولن کے کردار کو قریب سے دیکھنے کا موقع ملا ہے۔

رابرٹ ڈاؤنی جونیئر نے آئرن مین کے بجائے اس بار ڈاکٹر ڈوم کا کردار نبھایا ہے۔ یہ ان کی مارول سنیماٹک یونیورس میں واپسی ہے۔

پہلے یہ فوٹیج سان ڈیاگو کامک کان میں دکھائی گئی تھی۔ ڈزنی کے D23 پروگرام میں بھی 14 اگست کو پیش کیا گیا تھا۔

واضح رہے کہ روسو برادران نے ہدایت کاری کی ہے اور فلم میں متعدد مشہور فرنچائزز کے کردار شامل ہیں۔ ‘ایونجرز: ڈومز ڈے’ 18 دسمبر کو سینما گھروں میں ریلیز ہوگی۔