واشنگٹن: (رائیٹ ناؤ نیوز) امریکی صدر ڈونلڈ ٹرمپ اور ارب پتی ایلون مسک کے درمیان اختلافات کے بعد دوبارہ رابطے بحال ہوگئے ہیں۔ دونوں نے سیاسی اور ذاتی اختلافات کو ختم کرنے کے لیے اہم پیشرفت کی ہے۔

غیر ملکی ذرائع کے مطابق ٹرمپ اور مسک ہر ماہ مختلف موضوعات پر بات چیت کرتے ہیں۔ دونوں کے درمیان تعلقات کی بحالی کو سیاسی مفادات کی روشنی میں دیکھا جا رہا ہے۔

رواں سال مئی میں مسک کا ٹرمپ کے ہمراہ چین کا سفر تعلقات کی بہتری کی نشانی بنا۔ اس سفر کے دوران مسک نے امریکا میں نئی فیکٹریوں کے قیام پر بات کی۔

ایلون مسک نے نومبر کے وسط مدتی انتخابات میں ریپبلکن پارٹی کی حمایت کا اعلان کیا ہے۔ رپورٹس کے مطابق وہ ریپبلکنز کے لیے 100 سے 120 ملین ڈالر خرچ کریں گے۔

واضح رہے کہ 2024 کے انتخابات میں مسک نے ٹرمپ کی حمایت کی تھی، لیکن جون 2025 میں دونوں کے درمیان شدید اختلافات پیدا ہوگئے تھے۔ اب سیاسی تعاون کی بحالی سے دونوں نے اختلافات کو پسِ پشت ڈال دیا ہے۔