نیو جرسی: (رائیٹ ناؤ نیوز) امریکی صدر ڈونلڈ ٹرمپ کے نیو جرسی میں واقع گالف کلب پر فضائی دفاعی نظام تعینات کردیا گیا ہے۔ اس اقدام کی وجہ ایرانی ڈرون اور میزائل حملوں کے ممکنہ خطرات بتائے گئے ہیں۔

امریکی ویب سائٹ کے مطابق، ٹرمپ کے گالف کلب پر ایونجر فضائی دفاعی نظام کی ویڈیوز اور تصاویر سامنے آئی ہیں۔ یہ ویڈیوز گزشتہ اتوار کو بیڈمنسٹر ٹورنامنٹ کے دوران بنائی گئیں۔

وائٹ ہاؤس نے ان ویڈیوز کی اصلیت کی تصدیق کر دی ہے۔ اتوار کو ٹرمپ کی موجودگی میں دو سویلین طیارے ممنوعہ فضائی حدود میں داخل ہوگئے تھے، جنہیں ایف 16 طیاروں نے روکا۔

یہ اقدام ٹرمپ کی سکیورٹی کے پیش نظر خاص اہمیت رکھتا ہے۔ نارتھ امریکن ایرو اسپیس ڈیفنس کمانڈ نے پائلٹوں کو نوٹم کا جائزہ لینے کی تاکید کی ہے۔

یاد رہے کہ ٹرمپ نے پہلے بھی اپنی سکیورٹی پر مذاق کیا تھا، جب پس منظر میں ایونجر نظام موجود تھا۔