باغ: (رائیٹ ناؤ نیوز) آزاد کشمیر الیکشن کمیشن نے ایل اے 15 کے 9 اور ایل اے 16 کے 14 پولنگ اسٹیشنز پر دوبارہ پولنگ کا فیصلہ کیا ہے۔ یہ فیصلہ ریٹرننگ افسران کی طرف سے موصول ہونے والی رپورٹس کی بنیاد پر کیا گیا ہے۔

ری پولنگ 15 اگست کو ہوگی، جہاں پولنگ کا عمل صبح 8 بجے سے شام 5 بجے تک جاری رہے گا۔ ترجمان الیکشن کمیشن کے مطابق، ایل اے 15 میں 213 میں سے 204 پولنگ اسٹیشنز کے نتائج موصول ہو چکے ہیں۔

ایل اے 16 میں 186 میں سے 172 پولنگ اسٹیشنز کے نتائج موصول ہوئے ہیں۔ باقی پولنگ اسٹیشنز پر دوبارہ پولنگ کے بعد انتخابی عمل مکمل کیا جائے گا۔

ری پولنگ کا اعلان مسلم کانفرنس کے سربراہ سردار عتیق احمد کی شکست کے بعد آیا۔ عوامی دست و بازو پارٹی کے امیدوار ساجد اقبال نے ایل اے 14 میں 21 ہزار سے زائد ووٹوں سے کامیابی حاصل کی۔

واضح رہے کہ پیپلزپارٹی نے ایل اے 17 حویلی میں بھی کامیابی حاصل کی ہے، جہاں فیصل ممتاز راٹھور نے 31 ہزار 839 ووٹ لے کر جیت حاصل کی۔