لاہور: (رائیٹ ناؤنیوز) وفاقی وزیر داخلہ محسن نقوی نے کہا ہے کہ ملک میں نئے انتظامی یونٹس بن کر رہیں گے۔ انہوں نے کہا کہ نظام کو ری سیٹ کرنے کی ضرورت ہے، جس کا مقصد غلطیوں کی اصلاح ہے۔

محسن نقوی نے تقریب سے خطاب میں کہا کہ نئے انتظامی یونٹس کے فیصلے کو تسلیم کیا جانا چاہیے۔ انہوں نے کہا کہ عوامی رائے کے مطابق ہی یہ فیصلے کیے جانے چاہئیں۔

وزیر داخلہ نے مزید کہا کہ موجودہ نظام کی خامیوں کو آئین کے دائرے میں رہتے ہوئے دور کرنا ہوگا۔ انہوں نے کہا کہ نظام کو عوام کے لیے بہتر بنانا ضروری ہے۔

انہوں نے کہا کہ صحت، تعلیم اور صاف پانی جیسی سہولیات عوام کا حق ہیں۔ حکومت کو نظام کی خامیوں کی نشاندہی کرکے انہیں دور کرنا چاہیے۔

واضح رہے کہ محسن نقوی نے اسلام آباد کو صوبہ بنانے کی حمایت کی ہے۔ ان کا کہنا ہے کہ عوامی پیسے کو عوامی حق پر خرچ ہونا چاہیے اور فیصلے ایسے ہوں کہ شہریوں کو فائدہ پہنچے۔