تہران: (رائیٹ ناؤ نیوز) ایران کے رہبر معظم آیت اللہ سید مجتبیٰ خامنہ ای نے صدر مسعود پزشکیان سے 7 گھنٹے طویل ملاقات کی۔ اس ملاقات میں سپریم لیڈر نے قومی اتحاد اور یکجہتی پر زور دیا۔

ایرانی سرکاری میڈیا کے مطابق ملاقات میں عوام کے معاشی حالات پر بھی توجہ دینے کی اہمیت پر گفتگو ہوئی۔ صدر نے قومی اتحاد کی اہمیت کو اجاگر کیا۔

صدر پزشکیان نے کہا کہ امریکا اور اسرائیل ایران میں بے امنی پھیلانے کی کوشش کر رہے ہیں۔ ان ممالک نے ایران کو قحط، لوٹ مار اور سماجی انتشار کی طرف دھکیلنے کی کوشش کی۔

انہوں نے مزید کہا کہ ایران نے مصنوعی ذہانت سے حاصل شدہ ڈیٹا کی مدد سے دشمن کے جاسوس نیٹ ورک کو ناکام بنایا۔ ایران نے اجرتی عناصر کی منصوبہ بندی کو ناکام کر دیا۔

واضح رہے کہ امریکا اور ایران کے درمیان مفاہمتی یادداشت کے تحت امریکا کو ایران اور عمان کی مشترکہ گائیڈلائنز پر عمل کرنا تھا۔ تاہم امریکا نے ایسا نہیں کیا، جس پر ایران نے ردعمل ظاہر کیا۔